Xabier erkizia
![""]("http://www.sinkrofestival.com/wp-content/uploads/2009/01/imagen-1.png" "\"imagen-1\"")
Asteazkena 18 – 17:30
Farmazia Fakultatea
XABIER ERKIZIA
hitzaldia - artea + soinua
“Musikarekiko gorrototik entzutearen misteriora: soinuzko artea, soinu-paisaia eta soinuaren alorreko beste arazo batzuk.”
Soinuaren gizarte-arazoetatik abiatuz, soinuaren sormen-bideak gizartearen eta gizakiaren arazoetatik igarotzeko proposamen bat da. Egungo gizartean musika sortzea baldintzatzen duten baloreen sistema konplexua entzuteari uztea fisikoki ezinezkoa dela kontuan hartuz, kanpoko baldintza askoren ondorioz, entzutea ia jarrera politiko bat hartzea dela pentsatzen dugu. Hitzaldi honetan, soinua bezalako diziplina batean aritzeak eta ahalegintzeak dakartzan arazoak eta abantailak laburbilduko ditu, beti ere, ikuspuntu subjektibo batetik (kasu honetan, hizlariaren beraren ikuspuntutik).
Xabier Erkizia
Xabier Erkizia artistaren lana (Lesaka, 1975) musika eta soinuaren norabide desberdinak bilatzean eta horietan sakontzean datza. Instalazio formatuan, bakarka egiten dituen ekitaldietan, taldekako inprobisazioetan eta bestelako proiektu guztietan egiten duen proposamena ideia, jende, soinu, material eta bizipen desberdinak nahastea da. Bere proiektu eta kolaborazioetan rockak, elektronikak, folkak eta inprobisazioak bateratu ditu, besteak beste, eta beti esperimentazioaren ikuspegitik. Bitartean, bere ekitaldietan eta bakarka egin dituen gainontzeko lanetan, bere proposamenek hausnarketarekin lotura handiagoa duten beste bide batzuetatik jotzen dute eta introspektibo eta minimalista bilakatzen dira. Artearen alorrean lan egiteaz gain, ERTZ kultura elkartea sortu zuen, izen bereko beste musika batzuen nazioarteko jaialdiaren zuzendari da (8 edizio egin dira), Donostiako ARTELEKU arte garaikideko zentroko soinu laborategiko zuzendaria da, [UN]COMMON SOUNDS nazioarteko soinu-ikerketa proiektuaren zuzendarikidea da eta ARTE SONORO plataformaren editorekidea da. Bere lanak hainbat herrialdetan aurkeztu eta erakutsi ditu, adibidez: Brasil, Argentina, Paraguai, Txile, Perú, Grezia, Italia, Erresuma, Alemania, AEB, Frantzia.